العمل/الترفيه
الرتبة
من طرف فراشة الأحلام الخميس نوفمبر 25, 2010 7:32 pmالفرق بين الزوجة السورية والفلسطينية
...
اذا وقع زوجها عن الدرج :
السوريه :
ولي ع آمتي ، سلامتك حبيبي أن شاء الله ، انا ولا انتا ابن عمي
( ميته خوف عليه )
الفلسطينية :
شو مالك دخت ؟ الله ما برمي الناس بحجار خطيتى الله لا يردك
( بتستناه يموت علشان تورث )
...
اذا الزوج بدو يسافر:
السوريه :
انتبه لنفسك ابن عمي ، جهزتلك الشنطه ، كتّر خيرك على الاغراض اللى اشتريتها ، بيكفوا
سنه الله لايحرمنا من دخلتك علينا ، تروح وترجعلنا بالف سلامه .
الفلسطينية :
أسبوع مبوزة قبل السفر ، وكل شوي دموع ، ومتى بدك تروح ؟ ومع مين بدك تطلع هناك آه ؟
مش تتطلع عالبنات !! إحلف إنك مش رايح تروح على أماكن فيها بنات ! ما تتأخر
بلاش ينقصنا إشي وانت مسافر ونشحد . وكل يوم بتتصل بالتلفون عشان تشوف وينك و تحكيلك
إنه الولد سخن ، وبنتك بدها تموت ، كل المصايب بتقلك اياها بتلاحقك فيها وين ما تروح
( هوايتها نكد )
...
إذا الزوج تأخر بره فى شغل او مع صديق :
السورية :
شو إبن عمي ! غلي ألبي عليك تؤبشني يا حءء وكثير شغلتلي بالي ، تؤبرني ما تتأخر عليي
كثير مره تاني كرمال بشتائلك أنا
( يؤبرني دلع الشام )
الفلسطينية :
شرّفت آه !! وين كاين ولك ؟ مهو أنا كاينه حيوانه في الدار ، طول نهاري أكنس و
أمسح !! مع مين من أصحابك الهمل كاين تتصرمح ؟ إيش جبتلنا معاك ؟ وللا جاي إيد قدام
وإيد ورا ، كويس عرفت إلك دار وروحت
( لا تعليق )
...
إذا طلبت شى منه :
السورية :
إبن عمـــــــــي وحبيب ألبي فيك تجيبلنا شي حلو من دياتك الحلوين وع زوئك
شو بعشق زوئك أنا ياروحي .
الفلسطينية :
إغلط مرة وجيبلك شغله حلوة معك بقلاوة وللا كنافة بدي أحلي تمّي إللي مرّر من هالعيشة
إللي بتقرف .
( هاى طخها حلال )
...
إذا جابلها هدية :
السورية :
يخليلياك ابن عمي حبيب ألبي ، يااااااي شو بتجنن عنجد عنجد زوئك بيعئد
تؤبشني بتجنننننننننن الله لايحرمنى منك يا روحي .
الفلسطينية :
والله غاب وجاب ، وياما جاب الغراب لامه ، من وين جايبها وقديش حقها هاي ، الله يقطع
هيك ذوق مش لو جبتلنا طبخة للدار أحسن
( حسبي الله نسوان عيشتهن بتقصر العمر )
...
اذا بدك شي منها :
السورية :
من عيونى ابن عمى بتؤمر أمر غالى والطلب رخيص ، دخيلو انا شو بحبووو ع راسى
حبيبي وروح ئلبي من جوا .
الفلسطينية :
مهو حرام نستريح شوي ، لازم حياتي تظل تعب ونكد ، هو فش غيرك فى الدار ؟ مش فاضية ،
وللا أقلك اطلع من الدار حل عنى روح شوفلك شغله سويها ، فقعت مرارتى من شغل البيت
هففففف هففففف اللهم طولك ياروح .
...
لو طلبت منها فنجان قهوة :
السورية :
من عيونى ابن عمى ، أحلا فنجان ئهوي من دياتى يستاهل تمك ، وبدياتى راح شربك كمان ،
تعبك راحة ابن عمي ، ما في اغلا منك حبيب ألبي .
( تخيل فنجان القهوة بس )
الفلسطينية :
بدك قهوة آه ؟ هي اخوانك مرميين فى الحوش روح اشرب معهم ، وللا أقلك روح عنك امك
بتعملك ، أترك شغلي وأعملك قهوة ؟؟ هادا اللى ناقص ، ياااا رب موتني وخلصني من
هالعيشة اللى بتقرف .
( كل هادا علشان فنجان قهوة ريتو سم ياشيخة )
...
اذا حكالها ( بدك شي ) وهو طالع :
السورية :
تسلملى حبيب ألبي ، مابدي غير سلامتك مكفينى من كل شى مو ناقصنى شى تسلملى ياروحي
بس ما تتأخر كثير بشتائلك انا ، بدك اعملك شى لمن ترجع ؟
( بتكون غبى لو طلعت وتركتها )
الفلسطينية :
لأأأأ ( مع تبويزه طولها شبرين )... بديش إشي، وين بدك تروح ؟ ومع مين بدك تقعد ؟
ان شالله بتطوّل وبتخلّيني لحالي زي امجنونه ، وللا أحكيلك ، جيب معاك حفاظات للولد
وإنت جاي .
...
الذوق والتنويع فى الاكل :
السورية :
سلطات، تبولة ، فتوش ، محاشى ، شوربات ، كبه بأنواعها ، محمّر ، مشمّر ، يعني سفرة عامرة
من كلّه ، والله لو ماعندها بقدونس راح تعملك تبولة هههههههههه بيكفى انها راح تقعد
جنبك وتفتح نفسك على الأكل ، بتحكيلك عجبوك ابن عمى دوء هاي من ايدي ، طيب كمان هاي دوءها واحكيلى شو رأيك ، طيب هاي كمان وحياتي عندك لتاكلها من ايدي ابن عمى
نفسك بشي وماعملته ؟ صحتين على ألبك حبيبي .
الفلسطينية :
لو عندها كل أنواع الخضار ، والثلاجة مليانة اغراض ولحمه وسمك ، هو هو فش غيره طبيخ
مقلوبة أو ملوخية أو فريكه ، وإذا غلبت حالها صينية بالفرن ، هذا اذا كنت محظوظ
و ما حكتلك فش بندوره و خيار روح اشتري ، أو خلص الغاز في نص الطبخه ، روح جيب
غاز اذا بدك توكل .
طبعا بوزها عالسفره شبرين ، وبتبلش ضرب بالولد عشان كب الصحن ،
و حديثها بيكون كالتالي :
اليوم إجت فواتير الكهربا والميه ، متى بدك تدفعهم ؟ اليوم انكسرت إيد الحنفية
وأنا بجلي ، روح جيب المواسرجي يصلحها بس تخلص أكل ، إبنك بدو عشرين ليره
يشتري كندره.
وأهم أشي : بس تخلّص أكل ودّيني عند اهلي ، طلعت روحي طول اليوم فى المطبخ
( يعني عاملة الغنايم ما شالله ) ... خليها تروح يمكن تنفتح نفسك وتاكل زي الخلق .
...
بس للعلم نسبه ال بيعملوا هيك اكتار بس المهم انت وانصيبك ...
هههههههههههههههههههه
...
اذا وقع زوجها عن الدرج :
السوريه :
ولي ع آمتي ، سلامتك حبيبي أن شاء الله ، انا ولا انتا ابن عمي
( ميته خوف عليه )
الفلسطينية :
شو مالك دخت ؟ الله ما برمي الناس بحجار خطيتى الله لا يردك
( بتستناه يموت علشان تورث )
...
اذا الزوج بدو يسافر:
السوريه :
انتبه لنفسك ابن عمي ، جهزتلك الشنطه ، كتّر خيرك على الاغراض اللى اشتريتها ، بيكفوا
سنه الله لايحرمنا من دخلتك علينا ، تروح وترجعلنا بالف سلامه .
الفلسطينية :
أسبوع مبوزة قبل السفر ، وكل شوي دموع ، ومتى بدك تروح ؟ ومع مين بدك تطلع هناك آه ؟
مش تتطلع عالبنات !! إحلف إنك مش رايح تروح على أماكن فيها بنات ! ما تتأخر
بلاش ينقصنا إشي وانت مسافر ونشحد . وكل يوم بتتصل بالتلفون عشان تشوف وينك و تحكيلك
إنه الولد سخن ، وبنتك بدها تموت ، كل المصايب بتقلك اياها بتلاحقك فيها وين ما تروح
( هوايتها نكد )
...
إذا الزوج تأخر بره فى شغل او مع صديق :
السورية :
شو إبن عمي ! غلي ألبي عليك تؤبشني يا حءء وكثير شغلتلي بالي ، تؤبرني ما تتأخر عليي
كثير مره تاني كرمال بشتائلك أنا
( يؤبرني دلع الشام )
الفلسطينية :
شرّفت آه !! وين كاين ولك ؟ مهو أنا كاينه حيوانه في الدار ، طول نهاري أكنس و
أمسح !! مع مين من أصحابك الهمل كاين تتصرمح ؟ إيش جبتلنا معاك ؟ وللا جاي إيد قدام
وإيد ورا ، كويس عرفت إلك دار وروحت
( لا تعليق )
...
إذا طلبت شى منه :
السورية :
إبن عمـــــــــي وحبيب ألبي فيك تجيبلنا شي حلو من دياتك الحلوين وع زوئك
شو بعشق زوئك أنا ياروحي .
الفلسطينية :
إغلط مرة وجيبلك شغله حلوة معك بقلاوة وللا كنافة بدي أحلي تمّي إللي مرّر من هالعيشة
إللي بتقرف .
( هاى طخها حلال )
...
إذا جابلها هدية :
السورية :
يخليلياك ابن عمي حبيب ألبي ، يااااااي شو بتجنن عنجد عنجد زوئك بيعئد
تؤبشني بتجنننننننننن الله لايحرمنى منك يا روحي .
الفلسطينية :
والله غاب وجاب ، وياما جاب الغراب لامه ، من وين جايبها وقديش حقها هاي ، الله يقطع
هيك ذوق مش لو جبتلنا طبخة للدار أحسن
( حسبي الله نسوان عيشتهن بتقصر العمر )
...
اذا بدك شي منها :
السورية :
من عيونى ابن عمى بتؤمر أمر غالى والطلب رخيص ، دخيلو انا شو بحبووو ع راسى
حبيبي وروح ئلبي من جوا .
الفلسطينية :
مهو حرام نستريح شوي ، لازم حياتي تظل تعب ونكد ، هو فش غيرك فى الدار ؟ مش فاضية ،
وللا أقلك اطلع من الدار حل عنى روح شوفلك شغله سويها ، فقعت مرارتى من شغل البيت
هففففف هففففف اللهم طولك ياروح .
...
لو طلبت منها فنجان قهوة :
السورية :
من عيونى ابن عمى ، أحلا فنجان ئهوي من دياتى يستاهل تمك ، وبدياتى راح شربك كمان ،
تعبك راحة ابن عمي ، ما في اغلا منك حبيب ألبي .
( تخيل فنجان القهوة بس )
الفلسطينية :
بدك قهوة آه ؟ هي اخوانك مرميين فى الحوش روح اشرب معهم ، وللا أقلك روح عنك امك
بتعملك ، أترك شغلي وأعملك قهوة ؟؟ هادا اللى ناقص ، ياااا رب موتني وخلصني من
هالعيشة اللى بتقرف .
( كل هادا علشان فنجان قهوة ريتو سم ياشيخة )
...
اذا حكالها ( بدك شي ) وهو طالع :
السورية :
تسلملى حبيب ألبي ، مابدي غير سلامتك مكفينى من كل شى مو ناقصنى شى تسلملى ياروحي
بس ما تتأخر كثير بشتائلك انا ، بدك اعملك شى لمن ترجع ؟
( بتكون غبى لو طلعت وتركتها )
الفلسطينية :
لأأأأ ( مع تبويزه طولها شبرين )... بديش إشي، وين بدك تروح ؟ ومع مين بدك تقعد ؟
ان شالله بتطوّل وبتخلّيني لحالي زي امجنونه ، وللا أحكيلك ، جيب معاك حفاظات للولد
وإنت جاي .
...
الذوق والتنويع فى الاكل :
السورية :
سلطات، تبولة ، فتوش ، محاشى ، شوربات ، كبه بأنواعها ، محمّر ، مشمّر ، يعني سفرة عامرة
من كلّه ، والله لو ماعندها بقدونس راح تعملك تبولة هههههههههه بيكفى انها راح تقعد
جنبك وتفتح نفسك على الأكل ، بتحكيلك عجبوك ابن عمى دوء هاي من ايدي ، طيب كمان هاي دوءها واحكيلى شو رأيك ، طيب هاي كمان وحياتي عندك لتاكلها من ايدي ابن عمى
نفسك بشي وماعملته ؟ صحتين على ألبك حبيبي .
الفلسطينية :
لو عندها كل أنواع الخضار ، والثلاجة مليانة اغراض ولحمه وسمك ، هو هو فش غيره طبيخ
مقلوبة أو ملوخية أو فريكه ، وإذا غلبت حالها صينية بالفرن ، هذا اذا كنت محظوظ
و ما حكتلك فش بندوره و خيار روح اشتري ، أو خلص الغاز في نص الطبخه ، روح جيب
غاز اذا بدك توكل .
طبعا بوزها عالسفره شبرين ، وبتبلش ضرب بالولد عشان كب الصحن ،
و حديثها بيكون كالتالي :
اليوم إجت فواتير الكهربا والميه ، متى بدك تدفعهم ؟ اليوم انكسرت إيد الحنفية
وأنا بجلي ، روح جيب المواسرجي يصلحها بس تخلص أكل ، إبنك بدو عشرين ليره
يشتري كندره.
وأهم أشي : بس تخلّص أكل ودّيني عند اهلي ، طلعت روحي طول اليوم فى المطبخ
( يعني عاملة الغنايم ما شالله ) ... خليها تروح يمكن تنفتح نفسك وتاكل زي الخلق .
...
بس للعلم نسبه ال بيعملوا هيك اكتار بس المهم انت وانصيبك ...
هههههههههههههههههههه
